bakit ba ang lalim naman yata nito?
puro paa’t kawalan ang nakikita ko.
kakaibang takot, nakakasira ng ulo,
sa kinatatayuan ko’y mukhang mapapako.

bakit ba may nanunulak na lang bigla?
kitang-kita mo nang hindi pa nga handa.
una-ulo kaya akong makikipagkilala
sa sementong matagal nang tumitingala?

bakit kaya ang lalim ng babagsakan ko?
aba’y hindi na talaga nakakaaliw ito.
ayos lang sana kung mayroong sasalo
o kaya hawak na lang sana ang kamay mo.

、E:01 2008/07/15、E/p>

————————-

Woohoo, nakapagsulat din. Finally